मार्कुमा निर्वाचन आचारसंहिता बिपरित बिधुत पोल बिस्तार: चुनाव जित्न पोल गाड्न लागिएको हो: वडाअध्यक्ष गणेश बोगटी

मतदातालाई प्रभावित गर्न विद्युतको पोल

चौरपाटी गाउँपालिका वडा नं.७ मार्कुमा वडा अध्यक्षको पहलमा निर्वाचन आचारसहिता विपरित विद्युत पोल गाड्ने र तान्ने काम भईरहेको भन्दै नेपाल विद्युत प्राधिकरण साँफेबगरमा उजुरी परेको छ । र यो सब   वडा अध्यक्षको पहलमा स्थानीयले भईरहेको आरोप लगाएका छन् ।

निर्वाचनको समयमा विद्युत पोल गाड्ने र तान्ने काम आचारसहिंता विपरित भएको स्थानीयले जानकारी दिनुभयो ।मतदातालाई प्रभावित गर्नको लागि निर्वाचनको समयमा विद्युत पोल गाड्ने र तान्ने काम भईरहेको स्थानीयको भनाई छ ।यस अघि स्थानीय तहको चुनावको पनि आचारसहिंता विपरित काम भएको खबर छ ।

मतदातालाई प्रभावित गर्नको लागि निर्वाचनको समयमा मार्कुमा विद्युत पोल गाड्ने र तान्ने कामको वारेमा नेपाल विद्युत प्राधिकरण साँफेबगरले बेखबर जनाएको छ । प्राधिकरणको स्विकृत विना विद्युत पोल गाड्ने र तान्ने काम भएको भए निरिक्षण गरेर रोकिन साँफेबगरका प्राधिकरण प्रमुख रौशन कुमार ठाकुरले बताउनुभयो । भोली नै मार्कुमा गएर उक्त विद्युत पोल गाड्ने र तान्ने काम रोकिने बताउनुभयो ।

चौरपाटी गाउँपालिका वडा नं.७ का वडा अध्यक्ष गणेश वोगटीले विद्युत पोल गाड्ने र तान्ने विषयमा यसअघि छलफल भएपनि चुनाव जित्न पोल गाड्न लागिएको बताउनुभयो । मार्कु कांग्रेस तथा नेपाली कांग्रेस समर्थक बिद्यालयका र बोर्डिङका मार्कुका शिक्षकहरुको आकस्मिक बैठक बसी;अहिले पोल गाड्दा कांग्रेसले हालिदिएजस्तो हुने र भोट कांग्रेसले पाउने हुँदा पहिले देखिकै योजना भएपनी हामीले रोकेका थियौ।  मैले स्थानिय चुनावमा पनि यस्तै गरेर जितेको थिए। नभएत यो एमालेकै गढ होनी।

वडाअध्यक्ष बोगटीले अगाडि भन्नुभयो: हुन त मार्कु बासिले बिजुली बाल्न पाउनमा एमालेका नेता भिम रावलले गर्दा नै हो किनकी उहाले नै मार्कुको लागि ट्रान्स्फर्मर हेटौंडा बाट ल्याउनु भएको हो २ बर्ष अगाडि ।  उहाँले नेपाल विद्युत प्राधिकरण साँफेबगरलाई जानकारी नगराउनु कमजोरी रहेको स्विकार गर्नुभयो । तर सामान्य विषयलाई लिएर उजुरी दिने कार्य ठिक नभएको बताउनुभयो ।