काठमाडौं ,मंसिर ९ । नेकपा (एमाले) का अध्यक्ष केपी शर्मा ओलीले वाम गठबन्धनको सरकारले मात्र
मुलुकमा स्थिरता र विकास दिने जिकिर गरेका छन्। २०१५ साल देखि आफूलाई
लोकतन्त्र भन्ने काँग्रेसले जनतालाई झुक्काउदै आएकाले अब ५ बर्ष स्थिरता र
विकासका लागी काँग्रेसको कुनै दुष्चक्रमा नेपाली जनता नफस्न आग्रह गरेका
छन् । वाम गठबन्धनको चुनावी सभालाई सम्बोधन गर्दै अध्यक्ष ओलीले अस्थिरता
टुंग्याई देशको विकास गर्न एमाले र नेकपा (माओवादी केन्द्र)बीचको एकीकरण
गर्न लागिएको समेत स्पष्ट पारेका छन् ।
विभिन्न जात जाति लडाएर आफ्नो स्वार्थ सिद्ध गर्ने शक्ति क्रियाशील
रहेको बताउँदै पूर्वप्रधानमन्त्री ओलीले भने, “जातीय र क्षेत्रीय रुपमा
विभिन्न समुदायलाई लडाउने शक्तिको दुष्चक्रमा अब नेपाली जनता फस्नेवाला
छैनन् ।” नेता ओलीले चुनावका बेला सुरक्षाकर्मी र कर्मचारीले निष्पक्षताको
व्यवहार देखाउनु पर्नेमा जोड दिए।
सभामा कैलाली निर्वाचन क्षेत्र नं ५ मा वाम गठबन्धनका उम्मेदवार
नारदमुनि राना, एमाले उपाध्यक्ष भीमबहादुर रावल, माओवादी केन्द्रका नेता
रामबहादुर थापा, लेखराज भट्ट लगायतले बोलेका थिए । नेता ओलीले कैलाली
निर्वाचन क्षेत्र नं २ को लम्कीमा आयोजित चुनावी सभालाई समेत सम्बोधन गरेका
थिए ।
No comments:
Post a Comment