काठमाडौ क्षेत्र नम्बर १ बाट वामगबन्धनबाट प्रतिनिधि सभा उम्मेदवार अनिल
शर्मालाई राष्ट्रिय जनमोर्चाले समर्थन गर्ने भएको छ । राजधानीमा पत्रकार
सम्मेलन गर्दै जनमोर्चाका एन.के. थापाले उनलाई समर्थन गर्ने बताए । थापाले
निर्वाचनको अन्तिम समयमा आएर उम्मेदवारी फिर्ता लिई शर्मालाई सहयोग गर्ने
बताएका हुन् ।
जनमोर्चाले समर्थन गरेपछि शर्मा थप बलियो भएका छन् । शर्मासँग कांग्रेस
नेता प्रकाशमानसिंह श्रेष्ठ, पूर्व पत्रकार रवीन्द्र मिश्र पनि चुनावी
भिडन्तमा रहेका छन् । सो क्षेत्रमा कांग्रेस (विपी)का नेता हरिबोल भट्टराई
सहित कुल २२ जना प्रतिनिधिसभा तर्फ उम्मेदवार छन् ।
काठमाडौ क्षेत्र नम्बर १ मा काठमाडौं महानगरपालिकाको १०, ११, २९ र ३१
वडा पर्छ । स्थानीय तहको मत अनुसार कांग्रेसको ८ हजार ८ सय ८२, वाम
गठबन्धनको ११ हजार ७ सय २ मत, साझा र विवेकशिलको ११ हजार २ सय मत रहेको छ ।
भने राप्रपाको १ हजार ५ सय ४० मत छ ।
No comments:
Post a Comment