नेपाल महिला संघकी केन्द्रीय सदस्य तथा महिला संघ अछामकी
पूर्वसभापति राधिका भुजेल नेकपा एमालेमा प्रवेश गरेकी छन् ।
शुक्रबार नेकपा एमालेका उपाध्यक्ष भीम रावलले महिला नेत्री भुजेललाई फूलमाला र टीका लगाएर एमालेमा स्वागत गरे ।
साँफेबगर नगरपालिका वडा नम्बर–७ रिडिकोटमा आयोजित वाम गठबन्धनको
चुनावीसभामा भुजेल एमाले प्रवेश गरेकी हुन् । नेपाल महिला संघ नेपाली
कांग्रेसको भगिनी संगठन हो ।
अछाम निर्वाचन क्षेत्र नम्बर–१ बाट नेपाली कांग्रेसका प्रतिनिधिसभा
सदस्यका उम्मेदवार तथा कांग्रेसका जिल्ला सभापति भरतकुमार स्वाँर र भुजेल
एउटै वडाबासी हुन् ।
केही दिनअघिमात्रै सोही वडा निवासी कांग्रेसका पूर्वजिल्ला उपसभापति जयन्द्र स्वर कांग्रेस परित्याग गरी एमालेमा प्रवेश गरेका थिए ।#
प्रधानमन्त्री एवं नेपाली कांग्रेसका सभापति शेरबहादुर देउवा
चुनावीसभालाई सम्बोधन गर्न शुक्रबार अछाम पुगेका थिए । उनले मंगलसेन र
साँफेबगरमा कांग्रेसद्वारा आयोजित चुनावीसभालाई सम्बोधन गरेका थिए ।
No comments:
Post a Comment